في رثاء الشهيد رائد شرطة/محمد عبدالرحيم خوجلي
كتبت الرائد شرطة/زينب محمد المهدي
رثاء محمد عبد الرحيم(تاتشر)
ابكيك وين القى الدموع
ما إنت الدموع إنت الوجع إنت الآلم
*️⃣*️⃣*️⃣
فتحتا التلفون البليد
لقيت رسائل كتااار كل ثانية تشيل تزيد
قلته المرتب اكيد
ما نحنا ناس دنيا ساي ما زيك اكيد
لقيت خبر استشهادك عجيب
الجسم يرجف والدموع تجري
ده خبر غير اكيد ٠٠٠
بقيت افتش في القروب
زول ينفي الخبر٠٠٠٠
دايرة اسمع انك شديد
وتطابق الأسماء وارد اكيد
كل الرسائل ترسل في الدموع
وتقول محمد شهيد
*️⃣*️⃣*️⃣
ماكنت قايلة في يوم برجع بعود
والقاك في نص الطريق
وامد إيديا اصافحك بالسلام
وتضحك بكل احترام
تسألني بإبتسام
عن الاهل الكرام
*️⃣*️⃣*️⃣
مشيت وين يا تاتشرنا الحديد
مشيت وين يا اخو البنات
خليتنا وسط الحطام
نقابل الخونة اللئام
نقابل عرب الشتات
نقابل مغتصبي الحرائر الناجيات
معاك بنحس بالآمان
لأنك دائما تقول الا الشرف
الا العرض مافيو كلام
*️⃣*️⃣*️⃣
من وين جيتنا ياحميدتي اللئيم
تقتل في الشباب٠٠٠٠
ترمل في النساء٠٠٠٠
تيتم في الصغار٠٠٠٠
توجع في الامهات٠٠٠٠
ما الزيك للشيطان رفيق
وزيك كتااار ضلو الطريق٠٠٠٠
نقد دكتور في الإبتزال٠٠٠٠
نصر الدين يشرع في الدين
ويحلل في الحرام٠٠٠٠
سلك يتكلم بقلة احترام٠٠٠
ما رق قلبو لأهل الجزيرة الكرام٠٠٠
حمدوك العوير قدانا بحلو الشعار٠٠٠
بسنعبر وننتصر وبيع الكلام٠٠٠
لا بحياتك سلمنا منك
لا بموتك ارتحنا منك
ربنا يحفظ الشعب من
ابو (لارين) الشهيد
قدمته روحك رخيصة عشان ننعم بالسلام٠٠٠٠
عشان لارين تمشي المدرسه بكل آمان٠٠٠٠
عشان نسمع شكاوي أولادنا الصغار ٠٠٠٠
بكل هدوء
َمن غير قلق من غير توتر و انفعال ٠٠٠٠
عشان نحضن أولادنا الصغار٠٠٠
بكل حب وكل فرح واهتمام٠٠٠
*️⃣*️⃣*️⃣
ود عبد الرحيم الشجاع:-
لسه بدري على الفراق ٠٠٠
نحنا لسه في نص الطريق٠٠٠
عاوزين نقيف في التمام٠٠٠
عاوزين نتلمه في شاي الصباح٠٠٠
عاوزنك تحكي لينا
عن دك معاقل الجنجويد٠٠٠٠
عن الغنائم ٠٠٠
عن الزخائر٠٠٠
عن البطولات٠٠٠٠
عن الانتصارات ٠٠٠٠
عن الكفاح٠٠٠
عن القيادة ٠٠٠
عن السيادة ٠٠٠٠
عن الفتح الكبير٠٠٠
لكن وااااااحسرتي قلبي عليك
رحلته من غير وداع
خليتنا نتجرع كأس الألم و َمر الفراق٠٠٠٠
خليت القلب ينزف بإندفاع٠٠٠
لكن ما اقدر اقوم
