رزان حسن تكتب…ثقافة وثراث.. الاغاني السودانيه صوت الشعب وتراثه

رزان حسن تكتب…ثقافة وثراث.. الاغاني السودانيه صوت الشعب وتراثه

منو فينا ماكان بنبسط وبستمتع لمايسمع النور الجيلاني … جوباجوبا وهو يهز في راسو وحاسي بالنشوة … ومنوفينا ماكان بستمتع لمايسمع عبدالقادر سالم بغني مكتول هواك ياكردفان… اوعمر احساس وهو بغني درافور بلدنا … اااي زول فينا كان بفرح وبردد يا سمسم القضارف الزول صغير ماعارف
ومافينازول ماحفظ وردد من ارض المحنة من قلب الجزيرة …ولمانسمع حسين شندي في عطبرة …نسائم عطبرة الحلوة تهدينا وترسينااوعقد الجلاد لماالقطار صفر وقف بهرتني صوره عطبرةدي محطة الوطن الكبير كانت تضج متحضرة … ولمازول تاني يقول في عطبرة الثروة وفي الدامر الخلوة بريدو سوداني
واي زول حس بالسعادة والحب لماالنصري من اقصي الشمال يصدح للشرق يقول وطلعت في الشرق شمسسسك علي كسلا الجمال والقاش … اي زول سمع الاغاني والمفردات دي اكيد بكون حس بفخرالانتماء لوطنا السودان الجميل
اختصار الفن داماجامن فراغ ولاالكلمات اتقالت عبث … ماهي الارسالة واحساس بالوحدة والتماذج … فنحن سودانيييين باختلاف الوانا واجناسنا وسحناتنا واعرافنا