راس السنة
محمد عبدالله يعقوب يس
يناير المزدان ورود
هبت نسايمو الليلة في عيد السنة
سالن دميعاتي الحنان
والبسمة تايه بدون منى
بين عام وعام
يا السمحة فارقنا الهنا
وغرامنا اتلفح لبس
بعد الفراق ليل الونى
اقسمتي لي
وايديا في ايديك
تدغدغ حبنا
في قلبي ريدك ياحبيب
في دربي يلصف زي سنا
ولهان اقبل في الورود
صدقت ليه وعدك انا
يا قاسية جورك والسنين
خلني زي عصور بنى
عشة السعادة على النخيل
كان يلقى يوم طعم الجنا
لكن رياح الشك ابت
لابد يطل ليل الفنا
شايل حطامك والسنين
ابحرت للمحهول مشيت
ما دق باب قلبي الحزين
زولا عزيز طالبني ريد
نار ذكرياتك لي مصير
لو عدت يوم لهواك اتيت ۔
محمد عبدالله يعقوب يس
ام درمان في يوم 12/ 2023
